काठमाडौं । नेपालमा पछिल्लो २४ घण्टामा थप ५ सय ३५ जना संक्रमितहरु थपिएका छन् । स्वास्थ्य तथा जनसङख्या मन्त्रालयको नियमित ब्रिफिङमा मन्त्रालयका प्रवक्ता डा. जागेश्वर गौतमले यस्तो जानकारी दिएका हुन् ।
मन्त्रालयका अनुसार ५ सय ३५ जना संक्रमितहरु पछिल्लो २४ घण्टामा देशका विभिन्न प्रयोगशालामा गरिएको परीक्षणका क्रममा यी व्यक्तिमा कोरोना पुष्टि भएको हो । सोमबार ३ सय ७० जना कोरोना संक्रमितहरु निको भएर घर फकिएका छन् । योसँगै हालसम्म कोरोना संक्रमितहरुको कुल सङख्या ९ हजार ५ सय ६१ पुगेको छ । मन्त्रालयका अनुसार रसुवा जिल्ला बाहेक अन्य सबै जिल्लामा कोरोना संक्रमित भेटिएको जनाएको छ ।
