काठमाडौं । एक्सिलेन्ट सेक्युरिटि सर्भिस प्रा.लि.ले आफ्ना सम्पूर्ण कर्मचारीहरुको कोरोना भाईरस बिरुद्धको बीमा गराएको छ । सेक्युरिटि सर्भिसले आफ्ना कर्मचारीहरुको स्वास्थ्यको ख्याल गर्दै प्रति कर्मचारी ५० हजारका दरले कोरोना बीमा गराएको हो ।
प्रभु इन्स्यारेन्स लिमिटेडमा गराएको बीमाबाट सेक्युरिटि सर्भिसमा कार्यरत कुनै पनि कर्मचारीको कोरोना भाइरस परीक्षण गर्दा पिसिआर टेस्ट पोजेटिभ पाइएमा बीमांक बराबरको रकम क्षतिपुर्ति प्रदान गरिने जनाइएको छ ।
