काठमाडौं । कोरोना भाइरस (कोभिड–१९) को माहामारीको कहरमा चिरायु नेशनल हस्पिटलले सम्भावित जोखिम न्युनिकरणका लागि आवश्यक पूर्वाधार र जनशक्तिहरुलाई तयारी अवस्थामा राखिएको जनाउँदै कोरोनाको उपचार गर्नु परेको अवस्थामा समेत तयार रहेको जनाएको छ ।
नेपालमा लकडाउन भएसंगसंगै कोरोना क्लीनिक (फिबर क्लीनिक),१४ वेडको आइसोलुसन वार्ड तथा अबजरभेसन रुम संचालन गरेको अस्पतालले तयारीमा राखेको जनाएको छ।
हाल कोरोना फिभर क्लीनिक र १४ बेडको आईशोलेसन वार्ड सञ्चालन गर्दै आएको अस्पतालले भविष्यमा आवश्यक परेमा कोरोनाका बिरामीहरुलाई उपचार गर्न समेत तयार रहेको जनाएको छ । हालसम्म कोरोना फिभर क्लीनिकमा ४५ जना बिरामी आएकोको जनाउँदै लकडाउन अवधीमा ३५१ जनाले आकस्मिक सेवा लिएको जनाएको छ ।
फिजिसियन तथा मनोचिकित्सक सम्बन्धी सेवा सामाजिक दुरि कायम राखि आवश्यक सुरक्षित सामाग्री दिई सेवा शुरु गरिएको र आगामी दिनहरुमा क्रमशः अन्य आवश्यक ओ.पी.डी. सेवाहरु शुरु गर्ने तयारीमा रहेको सो अस्पतालले जनाएको छ ।
