काठमाडौं । उद्योगीहरुले आफ्ना कामदारहरुको तलब ५० प्रतिशत कटौति गर्ने भएका छन् । लकडाउनले उद्योग तथा व्यवसाय ठप्प भएपछि उद्योगीहरुले यस्तो तयारी गरेका हुन् ।
नेपाल उद्योग वाणिज्य महासंघ, नेपाल चेम्बर अफ कमर्स र नेपाल उद्योग परिसंघले संयुक्त बैठक बसेर प्रारम्भिक रूपमा लकडाउनको अवधिमा ५० प्रतिशतमात्रै तलब दिनेगरि सहमति गर्ने निर्णय गरेका छन् । तीन वटा व्यवसायिक संस्थाले यस्तो निर्णय गर्नका लागि नेकपा र कांग्रेस निकट ट्रेड युनियनसँग परामर्श गरेका थिए । सोही अनुरुप ट्रेड युनियनहरुले पनि सहमत जनाएका छन् ।
बैठकमा कोरोना भाइरसको संक्रमणका कारण सबै क्षेत्र तहसनहस भएकाले यसमा सबै पक्षले ब्योहोर्नेगरि निर्णय गर्ने बारे पनि छलफल भएको थियो ।
