नेपालमा थप एक कोरोना सक्रमित व्यक्ति फेला परेको छ । नेपालमा अहिलेसम्म सातजनामा कोरोना सक्रमण देखिएको छ। भारतबाट नेपाल फर्किएका कास्कीका एक व्यक्तिमा कोरोना सक्रमण देखिएको हो ।
पोखरा स्वास्थ्य विज्ञान प्रतिष्ठानले गरेको परिक्षणमा कारोनाको सक्रमण पेजेटिभ देखिएको गण्डकी प्रदेश सरकारले जनाएको छ। ती व्यक्तिको नमूना संकलन गरेर पुन:परिक्षणका लागि पठाइएको छ ।
अपडेट:
यता स्वास्थ्य मन्त्रालयले भने पोखरामा पोजेटिभ भेटिएको भन्ने कुरा प्रमाणित हुन बाँकी रहेको जनाएको छ । स्वास्थ्य मन्त्रालयका प्रबक्ता डा. विकाश देवकोटाले पोखरामा पोजेटिभ भनिए पनि अन्तिम नतिजा आउन बाँकी रहेको समेत बताएका छन् ।
प्रदेश सरकारले भने पोजेटिभ नतिजा आएको जनाएको आधारमा हामीले यो समाचार तयार पारको हौं । प्रदेश सरकार र मन्त्रालयको बीचमा कुरा बाँझिएपछि साँतौं कोरोना संक्रमित भेटिएको सत्यता पुष्टि हुन सकेको छैन ।
