काठमाडौं । युनाइटेड इदी– मर्दी एण्ड आरवि हाइड्रोपावर लिमिटेडको आईपीओ निष्कासन स्थगित भएको छ । कम्पनीले आज देखि ४ लाख २० हजार कित्ता आईपीओ निष्कासन गर्न लागेको थियो ।
कम्पनीले आयोजनाको अति प्रभावित क्षेत्र कास्की जिल्लाको माछापुच्छ्रे गाँउपालिकाको वडा नं ८ र ९ मा स्थायी बसोबास गर्ने बासिन्दाहरुका लागि छुट्याएको १० प्रतिशत अर्थात् ४ लाख २० हजार कित्ता निष्कासन गर्ने तयारी गरेको थियो ।
सरकारले कोरोना भाइरसको सम्भावित संक्रमण रोक्न अत्यावश्यक सेवा बाहेकका सम्पूर्ण सेवाहरु सञ्चालनमा रोक लगाएको हुँदा कम्पनीले आईपीओ निष्कासन गर्ने कार्य अर्को सूचना जारी नगरिएसम्मको लागि स्थगित गरेको सूचनामार्फत जानकारी दिएको छ ।
