काठमाडौं । आज फागुन ७ गते बुधबार पनि सुनको भाउ तोलामा ४०० रुपैयाँले बढेर हालसम्मकै नयाँ उचाइमा पुगेको छ । अघिल्लो दिन मंगलबार तोलामा २०० रुपैयाँले बढेको सुनको भाउ आज झन बढी अंकले बढेको छ ।
बुधबार छापावाला सुन प्रतितोला ७७ हजार १०० रुपैयाँमा खरिद बिक्री भइरहेको छ भने तेजाबी सुन प्रतितोला ७६ हजार ८०० रुपैयाँमा खरिद बिक्री भइरहेको नेपाल सुनचाँदी व्यवसायी महासँघले जनाएको छ ।
अघिल्लो दिन मंगलबार छापावाला सुन प्रतितोला ७६ हजार ७०० रुपैयाँ र तेजाबी सुन प्रतितोला ७६ हजार ४०० रुपैयाँमा कारोबार भएको थियो ।
