अपडेट
काठमाडौं । कारोबार खुला भएको एक घण्टामा शेयर बजार नेप्से ५ अंकले घटेको छ । नेप्से ५ अंकले घटेर १,३१४ दशमलव ८८ को विन्दुमा कायम भएको छ । फाइनान्स र म्युचल फण्ड बाहेक सबै उपसूचकमा गिरावट आएको छ ।
कारोबार खुला भएको एक घण्टामा ४६ करोड ५३ लाख रुपैयाँको जम्मा कारोबार हुँदा ग्लोबल आइएमई बैंकको सबैभन्दा धेरै ३६ करोडमाथिको कारोबार भएको छ ।
मर्जरका लागि शेयर कारोबार रोक्का भएको ग्लोबल आइएमई बैंकको गत सोमबार प्रतिकित्ता २५२ रुपैयाँ ४७ मा कारोबार खुलेका थियो । सोमबर र मंगलबार लगातार दुई दिन झण्डै दश प्रतिशतका दरले शेयर मूल्य बढ्दा ३०४ रुपैयाँसम्म पु्गेको थियो ।
त्यस्तै, सूर्या लाइफको ९ करोडमाथिको कारोबार भएको छ ।
