काठमाडौं। नेपाल स्टक एक्सचेन्ज (नेप्से) परिसूचक साताको दोस्रो दिन सामान्य सुधार आएको छ । सोमबार नेप्से १ दशमलव ७३ अंकले बढेर ११४० दशमलव ९४ बिन्दूमा पुगेको छ ।
कुल १७० वटा कम्पनीको ७ लाख ४३ हजारभन्दा बढी कित्ता शेयर १७ करोड ७२ लाख रुपैयाँभन्दा बढीको कारोबार भएको छ ।जलविद्युत, फाइनान्स र म्युचअल फन्ड बाहेक सबै समूह बढेका छन् ।
प्रभु बैंकको सबैभन्दा धेरै शेयर किनबेच भएको छ । कम्पनीको १ करोड २५ लाख रुपैयाँको शेयर किनबेच भएको छ ।त्यस्तै शिवम् सिमेन्टको पनि कारोबार उच्च रहेको छ । यस कम्पनीको शेयर १ करोड २० लाख रुपैयाँको कारोबार भएको छ ।
साल्ट ट्रेडिङ कम्पनीका लगानीकर्ताले सबैभन्दा धेरै कमाएका छन् । यस कम्पनीको शेयर मूल्य करिब ५ प्रतिशतले बढेको छ । तर, युनियन हाइड्रोपावर कम्पनीका लगानीकर्ताले भने धेरै गुमाएका छन् । कम्पनीको शेयर मूल्य करिब ४ प्रतिशतले घटेको छ ।
