इन्स्योरेन्स खबर/काठमाडौं: पञ्चकन्या माई हाईड्रोपावरले साउन १ गते देखि आइपिओ बिक्री खुला गरेको थियो । कम्पनीले साउन १ गतेदेखि कर्मचारी र सामूहिक लगानी कोषलाई छुट्टाएर सर्वसाधारणका लागि १०० रुपैयाँ अंकित मूल्यमा १० लाख एक हजार कित्ता सेयर निष्काशन गरेकोमा बिहीबार बेलुकासम्म ६७ करोड रुपैयाँ बराबरको आवेदन परेको थियो । पञ्चकन्याको आइपीओ भर्ने आज अन्तिम दिन हो । कम्पनीले साउन ४ गतेसम्म उचित मात्रमा आवेदन नपरेको खण्डमा भने साउन १५ गतेसम्म आवेदन दिन सकिने व्यवस्था गरेको थियो ।
यसमा न्यूनतम ५० कित्तादेखि अधिकतम ५ हजार ५०० कित्तासम्म आवेदन दिन सकिनेछ । पञ्चकन्याले यसअघि इलाम जिल्लाको स्थानीय बासिन्दाका लागि ११ लाख कित्ता आइपीओ निष्कासन गरिसकेको छ । कम्पनीले क्रेडिट रेटिङ ४ पाएको छ । लगानीकर्ताले बिक्री प्रबन्धक सनराइज क्यापिटल लिमिटेड कमलपोखरी काठमाडौं तथा पञ्चकन्याको ललितपुर महानगरपालिका, वडा नं ३ पुल्चोकबाट पनि आवेदन दिन सक्नेछन् । त्यसैगरी, आस्वा सदस्य सम्पूर्ण बैंक तथा वित्तीय संस्थाबाट भर्न सकिनेछ । सी–आस्वाबाट घरमै बसेर पनि भर्न मिल्नेछ ।पञ्चकन्याको जारी पुँजी १ अर्ब १० करोड रुपैयाँ र चुक्ता पुँजी ९९ करोड रुपैयाँ छ ।
