इन्स्योरेन्स खबर/काठमाडौं: आइएमई जनरल इन्स्योरेन्स लिमिटेडले १०ः८ अनुपात (१० शेयर बराबर ८) शेयरका दरले धितोपत्र बोर्डसँग अनुमति मागेको हो ।बीमा समितिले तोकेको पूँजी पुर्याउन इन्स्योरेन्सले हकप्रदको सेयर निष्कासन गर्न लागेको हो। इन्स्योरेन्सको हकप्रद सेयर निष्कासन तथा बिक्री प्रवन्धकमा ग्लोबल आईएमई क्यापिटल रहेको छ।
नेपाल धितोपत्र बोर्डले कम्पनीलाई मंगलबार ४३ करोड २० लाख रुपैयाँ बराबरको ४३ लाख २० हजार कित्ता हकप्रद सेयर निष्कासन गर्न अनुमति दिएको हो।
५४ करोड रुपैंया चुक्ता पूँजी रहेको इन्स्योरेन्सको उल्लेखित ८० प्रतशित हकप्रद शेयरको निष्काशन पश्चात चुक्ता पूँजी ९७ करोड २0 लाख रुपैंया पुग्नेछ । बीमा समितिले तोकेको निर्जीवन बीमा कम्पनीको एक अर्ब चुक्ता पूँजी पुर्याउन इन्स्योरेन्सले २ करोड ८० लाख रुपैंया बराबरको बोनस बितरण गर्नु पर्ने हुन्छ।
यस अघि एनबी इन्स्योरेन्स रहेको कम्पनीले पहिलो पटक ८० प्रतिशत हकप्रद निष्काशन गरेर त्यस पछि शतप्रतिशत हकप्रद निष्काशन गरिसकेको छ । अहिले इन्स्योरेन्सले तेस्रो पटक हकप्रद बिक्री गर्न लागेको हो ।
