काठमाडौं । प्रोटेक्टिभ माइक्रो इन्स्योरेन्सले गत आर्थिक वर्ष २०८२।८३ को अपरिष्कृत वित्तीय विवरण सार्वजनिक गरेको छ।
वित्तीय विवरणअनुसार गत आर्थिक वर्षमा कम्पनीले ६० लाख १ हजार रुपैयाँ नाफा आर्जन गर्न सफल भएको छ। अघिल्लो आर्थिक वर्ष २०८१।८२ मा कम्पनीले १२ लाख ७५ हजार रुपैयाँ नाफा आर्जन गरेको थियो। अघिल्लो आर्थिक वर्षको तुलनामा समीक्षा वर्षमा कम्पनीको नाफा ३७०.६४ प्रतिशतले बढेको छ।
समीक्षा वर्षमा कम्पनीको स्पेसल रिजर्भमा ५३ लाख २० हजार रुपैयाँ, महाविपत्ति कोषमा ५ लाख ३२ हजार रुपैयाँ र अन्य इक्विटीमा ५२ लाख १३ हजार रुपैयाँ रहेको छ भने रिटेन्ड अर्निङ १६ लाख ८९ हजार रुपैयाँले ऋणात्मक रहेको छ। अघिल्लो वर्ष स्पेसल रिजर्भमा २३ लाख १९ हजार रुपैयाँ, महाविपत्ति कोषमा २ लाख ३१ रुपैयाँ र अन्य इक्विटीमा ४६ लाख ८४ हजार रुपैयाँ रहेको थियो भने रिटेन्ड अर्निङ २३ लाख ४० हजार रुपैयाँले ऋणात्मक थियो।
गत आर्थिक वर्षमा कम्पनीको बीमा कोषमा ३२ करोड ६६ लाख ५१ हजार रुपैयाँ रहेको छ। अघिल्लो वर्ष बीमा कोषमा २० करोड ५५ लाख ४५ हजार रुपैयाँ थियो। अघिल्लो वर्षको तुलनामा समीक्षा वर्षमा कम्पनीको बीमा कोषको आकार ५८.९२ प्रतिशतले बढेको छ।
समीक्षा वर्षमा कम्पनीले ३१ करोड १३ लाख रुपैयाँ कुल बीमाशुल्क आर्जन गरेको छ। अघिल्लो वर्ष कम्पनीले १८ करोड ६९ लाख रुपैयाँ कुल बीमाशुल्क आर्जन गरेको थियो। अघिल्लो वर्षको तुलनामा समीक्षा वर्षमा कम्पनीको कुल बीमाशुल्क आर्जन ६६.५६ प्रतिशतले बढेको छ।
कम्पनीले गत आर्थिक वर्षमा १२ करोड १९ लाख ७४ हजार रुपैयाँ खुद बीमाशुल्क आर्जन गरेको छ। अघिल्लो आर्थिक वर्षमा कम्पनीले ५ करोड ७६ लाख ४ हजार रुपैयाँ खुद बीमाशुल्क आर्जन गरेको थियो। अघिल्लो वर्षको तुलनामा कम्पनीको खुद बीमाशुल्क आर्जन १११.७५ प्रतिशतले बढेको छ।
शेयरपुँजी ५२ करोड ५० लाख रुपैयाँ रहेको कम्पनीको वार्षिकीकृत प्रतिशेयर आम्दानी (ईपीएस) बढेर १.५२ रुपैयाँ कायम भएको छ। अघिल्लो वर्ष ईपीएस ०.२४ रुपैयाँ थियो।
