काठमाडौं । नेपाल स्टक एक्सचेन्ज (नेप्से)को प्रमुख कार्यकारी अधिकृत (सीईओ)बाट चूडामणि चापागाइँले राजीनामा दिएका छन्।
चापागाइँले आज अर्थ मन्त्रालयमा राजीनामा बुझाएका हुन्। नेप्सेमा उनले करिब १४ महिना सीईओका रुपमा बिताए।
नेप्सेको सीईओमा नियुक्त भएपछि चापागाइँले खासै काम गर्न नसकेको भने आलोचना हुँदै आएको थियो। नेप्सेका कर्मचारी पनि उनको कामप्रति सन्तुष्ट थिएनन्। ‘चापागाइँ हाजिरे कर्मचारीजस्तै थिए’, नेप्सेका कर्मचारीले भने, ‘उनले सोचेजस्तो काम गर्न सकेनन्। त्यसैले वर्तमान सरकारकै दबाबमा उनले राजीनामा दिएको हुनुपर्छ।’
तत्कालीन सरकारले चापागाइँले २०८१ चैत १९ गते नेप्सेको सीईओमा नियुक्त गरेको थियो।
