काठमाडौं। नेपाल राट्र बैंकको डेपुटी गभर्नरमा नेपाल राष्ट्र बैंकका कार्यकारी निर्देशक किरण पण्डित नियुक्त भएका छन्।
मन्त्रिपरिषदको आज बसेको बैठकले राष्ट्र बैंकको रिक्त दुई डेपुटी गभर्नरमध्ये एकमा पण्डितलाई नियुक्त गरेको हो। अर्थ मन्त्रालयले गरेको प्रस्तावमा मन्त्रिपरिषदले पण्डितलाई डेपुटी गभर्नर नियुक्त गरेको हो। पण्डित हाल राष्ट्र बैंकको विदेशी विनिमय व्यवस्थापन विभागका प्रमुख पनि छन्।
मन्त्रिपरिषदको बैठकले राष्ट्रिय योजना आयोगको उपाध्यक्षमा डा गुणाकर भट्ट नियुक्त गरेको छ। भट्ट यसअघि राष्ट्र बैंकका कार्यकारी निर्देशक थिए।
