काठमाडौं । राहदानी विभाग सार्वजनिक बिदाका दिनमा पनि खुला नै रहने भएको छ।
विभागले एउटा सूचना जारी आज बुधबार र भोलि बिहीबार सार्वजनिक बिदामा पनि राहदानी वितरणलगायतका कामका लागि विभाग खुला रहने जानकारी गराएको हो। आज ग्याल्पो ल्होछार र भोलि प्रजातन्त्र दिवसका अवसरमा देशभर सार्वजनिक बिदा दिइएको छ।
विभागका अनुसार दुवै दिन बिहान १० बजेदेखि दिउँसो १ बजेसम्म सेवा सुचारु रहनेछ।
विभागले आज राहदानी वितरण सेवा प्रदान गरिनेछ भने भोलि राहदानीका लागि आवेदन फाराम संकलन गरिनेछ।
