काठमाडौं । फिलिपिन्सका अधिकारीहरुले शुक्रबार बिहान मिन्डानाओ क्षेत्रमा ७.४ म्याग्निच्युडको भूकम्पपछि ‘विपत्तिजनक’ सुनामी आउने चेतावनी जारी गरेका छन्।
अधिकारीहरुका अनुसार फिलिपिन्सको तटीय क्षेत्रहरुमा तीन मिटर (१० फिट) अग्ला सुनामी छालहरु आउने अनुमान गरिएको छ। भूकम्पको केन्द्रबिन्दु रहेको मिन्डानाओ क्षेत्रबाट ३०० किलोमिटर टाढा इन्डोनेसियामा सुनामी चेतावनी जारी गरिएको हो। यो चेतावनी उत्तरी सुलावेसी र पपुवाका इन्डोनेसियाली क्षेत्रहरुका लागि जारी गरिएको छ।
फिलिपिन्सका अधिकारीहरुका अनुसार स्थानीय समय अनुसार बिहान ११ः४३ बजे सुनामी छालहरु आउने अनुमान गरिएको छ।
ज्वालामुखी तथा भूकम्प विज्ञान संस्थानले तटीय क्षेत्रहरूमा बसोबास गर्ने मानिसहरुलाई ‘तुरुन्तै उच्च जमिनमा सर्न’ आग्रह गरेको छ।
