काठमाडौं । लगातारको वर्षाका कारण उत्पन्न परिस्थितिलाई ध्यानमा राखेरमात्र गन्तव्यको यात्रा गर्न पर्यटकलाई आग्रह गरिएको छ।
नेपाल पर्यटन बोर्डले आज एक सूचना जारी गर्दै यस्तो आग्रह गरेको हो। जल तथा मौसम विभागले असोज २० गतेसम्मका लागि जारी पूर्वानुमानअनुसार वर्षा जारी रहने भएकोले यो अवस्थमा सतर्क रहन बोर्डले आग्रह गरेको छ।
बोर्डले मौसम तथा यात्रा अद्यावधिलाई पालना गर्न पर्यटकलाई आग्रह गरेको छ। अनुमति प्राप्त संस्थाबाट मात्रै यात्र गर्न पर्यटकलाई बोर्डंले आग्रह गरेको छ।
यात्रा गर्नुअघि सडक र गन्तव्यको अवस्थाबारे जानकारी लिन पनि पर्यटकलाई बोर्डले सुझाव दिएको छ। यदि कुनै समस्या भए ११४४ मा सम्पर्क गर्न बोर्डले आग्रह गरेको छ।
