इन्योरेन्स खवर/काठमाडौं: प्रिमियर इन्स्योरेन्स कम्पनीले चालू आर्थिक वर्षको नौ महिनाको वित्तीय विवरण सार्वजानिक गरेको छ । यो अवधिमा यस कम्पनीले १३ करोड ३५ लाख रुपैया भन्दा बढि खुद नाफा आर्जन गरेको छ । जुन गत वर्षको सोही अवधिको तुलनामा २९ दशमलव ५७ प्रतिशतले बढी हो । कम्पनीले अघिल्लो आर्थिक वर्षको सोही अवधिमा १० करोड ३० लाख भन्दा बढि खुद नाफा कमाएको थियो ।
५८ करोड ४० लाख चुक्ता पुँजी पुर्याएको यस कम्पनीले जगेडा कोषमा ७० करोड ४५ लाख रुपैयाँ छुट्याएको छ । त्यस्तै कम्पनीले बीमा कोष अन्तर्गत ४३ करोड ४२ लाख रुपैयाँ र महाविपत्ति जगेडामा ३ करोड ९४ लाख रुपैयाँ भन्दा बढि रकम राखेको छ ।
तेश्रो त्रैमासको अवधिसम्म कम्पनीले कुल १ अर्व १३ करोड ६४ लाख रुपैया भन्दाबढि बीमा शुल्क आर्जन गरेको यस कम्पनीले ६२ करोड १४ लाख रुपैयाँ भन्दा बढि खुद बीमा शुल्क आर्जन गरेको विवरणमा उल्लेख गरिएको छ ।
समिक्षा अवधिमा वित्तीय स्थिति तथा व्यवसाय लक्ष्य अनुरुप सन्तोषजनक रहेको यस कम्पनीको कुल बीमा शुल्क गत वर्षको सोही अवधिमाको तुलानामा १२ दशमलव ९० प्रतिशतले वृद्धि भएको छ ।
त्यस्तै, कुल १ लाख ४६ हजार ६ सय ३२ जारी बीमालेखको संख्यामध्ये नविकरण गरिएको बीमालेख संख्या भने ८ सय ६५ मात्र रहेको छ ।
कम्पनीको कुल दावी भुक्तानी रकम १ अर्व १ करोड ५६ लाख रुपैयाँ भन्दा बढि र भुक्तानी हुन बाँकी रकम १ अर्व ८ करोड ६ लाख रुपैयाँ भन्दा बढि देखिएको छ । सोही अनुसार कुल दावी भुक्तानी संख्या ३ हजार ७ सय ८० र भुक्तान हुन बाँकी संख्या ३ हजार ८ सय २० रहेको छ ।
कम्पनीको प्रतिसेयर आम्दानी (वार्षिक) ३० रुपैयाँ ४९ पैसा, प्रतिसेयर नेटवर्थ ३ सय १ रुपैयाँ ७६ पैसा, प्रतिसेयर कुल सम्पत्तिको मुल्य ५ सय ५२ रुपैया ८५ पैसा र मुल्य आम्दानीको अनुपात ४५ रुपैयाँ २३ पैसा रहेको छ ।
