काठमाडौं । पेट्रोलियम पदार्थको मूल्य वृद्धि भएको छ । नेपाल आयल निगमले राति १२ बजेदेखि लागू हुने गरी पेट्रोल, डिजेल र मट्टीतेलको खुद्रा मूल्य वृद्धि गरेको हो।
पेट्रोलको मूल्य प्रतिलिटर एक रुपैयाँ तथा डिजेल र मट्टीतेलको मूल्य प्रतिलिटर दुई रुपैयाँका दरले बढाइएको निगमले जनाएको छ ।
अब पहिलो वर्गका लागि पेट्रोल १५७ रुपैयाँ ५० पैसा, दोस्रो वर्गमा १५९ र तेस्रो वर्गका लागि १६० रुपैयाँ कायम हुनेछ भने डिजेल र मट्टीतेल पहिलो वर्गका लागि १४२रुपैयाँ ५० पैसा, दोस्रो वर्गमा १४४ र तेस्रो वर्गका लागि १४५ रुपैयाँ कायम भएको छ ।
