काठमाडौं । नेपाल स्टक एक्सचेन्ज (नेप्से)मा दुई कम्पनीको ८२ लाख बढी कित्ता शेयर थपिएको छ।
नेप्सेमा नेपाल लाइफ इन्स्योरेन्स र आत्मनिर्भर लघुवित्त वित्तीय संस्थाको कुल ८३ लाख ५ हजार ६८१.३६ कित्ता बोनस शेयर सूचीकृत भएको छ। जसमा नेपाल लाइफको ८२ लाख ७ हजार ९६६.५५ कित्ता र आत्मनिर्भर लघुवित्तको ९७ हजार ७१४.८१ कित्ता बोनस शेयर रहेको छ।
यी दुवैले अघिल्लो वर्ष शेयरधनीहरुलाई वितरण गरेको बोनस शेयर सूचीकृत भएको हो। जसअनुसार अघिल्लो वर्ष नेपाल लाइफले १० प्रतिशत र आत्मनिर्भर लघुवित्तले १४.२५ कित्ता बोनस शेयर वितरण गरेका थिए।
