काठमाडौं । पहलगाम आतंककारी हमलाको बदला लिन भारतले हवाई आक्रमण गरेपछि पाकिस्तानी शेयर बजारमा बुधबार हाहाकार मच्चिएको छ।
पाकिस्तानी शेयर बजारको मुख्य इन्डेक्स कराची–१०० मा करिब २७०० अंकको गिरावट आइसकेको छ। अहिले १११००० को विन्दुमा कारोबार भइरहेको छ।
आज सुरुआती कारोबारका क्रममा केएसई–१०० इन्डेक्समा ६२७२ अंक अर्थात करिब ६ प्रतिशतको गिरावट आएको छ। यो इन्डेक्स मंगलबार ११३५६८.५१ को विन्दुमा बन्द भएको थियो। अहिले १०७२९६.६४ को विन्दुमा कारोबार भइरहेको छ।
गत अप्रिल २२ मा पहलगाम हमला भएको थियो। हमलाको भोलिपल्टै पाकिस्तानी बजार ३.७ प्रतिशतले घटेको थियो। –एजेन्सी
