काठमाडौं । नेशनल इन्स्योरेन्स कम्पनीले प्रधानमन्त्री दैवी प्रकोप राहत कोषमा आर्थिक सहयोग प्रदान गरेको छ। कम्पनीले राहत कोषमा १० लाख रुपैयाँ बराबरको आर्थिक सहयोग प्रदान गरेको हो।
उक्त रकम बराबरको चेक कम्पनीका प्रमुख कार्यकारी अधिकृत सिद्धार्थ मजुमदार र नायब प्रमुख कार्यकारी अधिकृत पंकज गुलाठीले संयुक्तरूपमा प्रधानमन्त्री केपी शर्मा ओलीलाई हस्तान्तरण गरेका हुन् ।
नेपाल बीमा प्राधिकरणले संस्थागत सामाजिक उत्तरदायीत्व अन्तर्गत बाढी पीडितको उद्धार तथा राहतका लागि प्रधानमन्त्री दैवी प्रकोप राहत कोषमा योगदान गर्न अनुरोध गरेपछि इन्स्योरेन्सले सहयोग राशी उपलब्ध गराएको हो।
नेशनल इन्स्योरेन्स, भारत सरकारको पूर्ण स्वामित्वको निर्जीवन बीमक कम्पनी हो । भारतीय बीमकको शाखाका रूपमा नेपालमा नेशनल इन्स्योरेन्सले निर्जीवन बीमा सेवा प्रदान गर्दै आएको छ।
