काठमाडौं । लघु जीवन बीमा कम्पनीले चालु आर्थिक वर्ष २०८१।८२ को पहिलो महिना साउनमा करिब पौने ४ करोड रुपैयाँको व्यापार गरेका छन्। नेपाल बीमा प्राधिकरणले आज सार्वजनिक गरेको तथ्यांकअनुसार साउनमा ३ वटा लघु जीवन बीमकले २ लाख ४१ हजार ९९७ वटा बीमालेख जारी गर्दै ३ करोड ७० लाख ५४ हजार रुपैयाँ कुल बीमाशुल्क आर्जन गरेका हुन्।
समीक्षा महिनामा सर्वाधिक व्यापार गर्नेमा गार्डियन माइक्रो लाइफ रहेको छ। यो कम्पनीले २ लाख २७ हजार ४६१ वटा बीमा लेख जारी गर्दै १ करोड ८८ लाख ४१ हजार रुपैयाँ कुल बीमाशुल्क आर्जन गरेको छ।
यसैगरी क्रेष्ट माइक्रो लाइफले ६ हजार ८९३ वटा बीमालेख जारी गर्दै १ करोड २९ लाख ८४ हजार रुपैयाँ कुल बीमाशुल्क आर्जन गरेको छ।
लिबर्टी माइक्रो लाइफले भने ७ हजार ६४३ वटा बीमालेख बिक्री गर्दै ५१ लाख ७७ हजार रुपैयाँ कुल बीमाशुल्क आर्जन गरेको छ।
