काठमाडौं । लघु निर्जीवन बीमकले चालु आर्थिक वर्ष २०८१।८२ को पहिलो महिना साउनमा ५ करोड १६ लाख रुपैयाँ बढीको व्यापार गरेका छन्।
नेपाल बीमा प्राधिकरणले आज सार्वजनिक गरेको तथ्यांकअनुसार ४ वटा लघु निर्जीवन बीमकले साउनमा २० हजार २४३ बीमालेख जारी गर्दै ५ करोड १६ लाख ११ हजार रुपैयाँ कुल बीमाशुल्क आर्जन गरेका हुन्।
चालु आर्थिक वर्षको पहिलो महिनामा लघु निर्जीवन बीमकमध्ये नेपाल माइक्राले सर्वाधिक व्यापार गरेको छ। यो कम्पनीले ५ हजार ७८१ वटा बीमालेख जारी गर्दै १ करोड ३८ लाख ६४ हजार रुपैयाँ कुल बीमाशुल्क आर्जन गरेको छ।
यसैगरी दोस्रोमा प्रोटेक्टिभ माइक्रो रहेको छ। यो कम्पनीले साउनमा ४ हजार ६३९ वटा बीमालेख जारी गर्दै १ करोड ३६ लाख ३३ हजार रुपैयाँ कुल बीमाशुल्क आर्जन गरेका छन्।
साउनमा ट्रस्ट माइक्रोले ४ हजार ३६१ बीमालेख जारी गर्दै १ करोड २२ लाख ८७ हजार रुपैयाँ र स्टार माइक्रोले ५ हजार ४६२ वटा बीमालेख जारी गर्दै १ करोड १८ लाख २७ हजार रुपैयाँ कुल बीमाशुल्क आर्जन गरेका छन्।
