काठमाडौं । लघु जीवन बीमा कम्पनीहरुले आर्थिक वर्ष २०८०/ ८१ को अन्त्यसम्ममा कुल १ करोड ३० लाख ५ हजार रुपैयाँ नाफा आर्जन गरेका छन् । कम्पनीहरुले प्रकाशन गरेको वित्तीय विवरण अनुसार हाल सञ्चालनमा रहेको क्रेष्ट माइक्रो लाइफले समीक्षा अवधिमा ४० लाख २ हजार रुपैयाँ नाफा आर्जन गरेको छ । गार्डियन माइक्रो लाइफले १४ लाख रुपैयाँ नाफा आर्जन गरेको छ । लिबर्टी माइक्रो लाइफले ७६ लाख ३ हजार गरी कुल १ करोड ३० लाख ५ हजार रुपैयाँ नाफा आर्जन गरेका हुन् । ३ लघु जीवन बीमा कम्पनीमध्ये समीक्षा अवधिमा लिबर्टी माइक्रो लाइफले नाफा सबैभन्दा धेरै नाफा आर्जन गरेको छ ।
समीक्षा अवधिसम्ममा लिबर्टी माइक्रो लाइफले २ करोड ९९ लाख ११ हजार रुपैयाँ कुल बीमाशुल्क संकलन गरेको छ । कम्पनीको महाविपत्ति कोषमा १० लाख १५ हजार रहेको छ । रिटेन्ड अर्निङमा ९४ लाख ३९ हजार र जीवन बीमा कोषमा १ करोड १२ लाख रुपैयाँ रहेको छ ।
त्यस्तै, क्रेष्ट माइक्रो लाइफले समीक्षा अवधिसम्ममा ५ करोड ७६ लाख ४५ हजार रुपैयाँ कुल बीमाशुल्क संकलन गरेको छ । महाविपत्ति कोषमा ८ लाख ९३ हजार रहेको छ । रिटेन्ड अर्निङमा ७५ लाख १३ हजार र जीवन बीमा कोषमा ४ करोड ७० लाख रुपैयाँ हरेको छ ।
त्यसैगरी गार्डियन माइक्रो लाइफले समीक्षा अवधिसम्ममा ४ करोड २२ लाख २२ हजार रुपैयाँ कुल बीमाशुल्क संकलन गरेको छ । महाविपत्ति कोषमा ३ लाख ३२ हजार रुपैयाँ रहेको छ । रिटेन्ड अर्निङमा २८ लाख २९ हजार र जीवन बीमा कोषमा २ करोड ३३ लाख रुपैयाँ रहेको छ ।
