काठमाडौं । प्रोटेक्टिभ माइक्रो इन्स्योरेन्सले आर्थिक वर्ष २०८० /८१ को चौथो त्रैमासको वित्तीय विवरण प्रकाशन गरेको छ । ५२ करोड ५० लाख शेयर पूँजी भएको कम्पनीले गत आर्थिक वर्षको चौथो त्रैमाससम्ममा २३ लाख ४१ हजार रुपैयाँ नाफा आर्जन गरेको छ । अघिल्लो आर्थिक वर्षको यसै अवधिमा ४२ लाख ८९ हजार रुपैयाँ नाफा आर्जन गरेको थियो । अघिल्लो आर्थिक वर्षको तुलनामा कम्पनीको नाफा घटेको छ ।
गत आर्थिक वर्षको अन्त्यसम्ममा कम्पनीको स्पेसियल रिजर्भ शिर्षकमा ३४ लाख ९० हजार रुपैयाँ रहेको छ । यस अवधिमा कम्पनीको रिटेण्ड अर्निङ्ग २७ लाख २१ हजार रुपैयाँ रहेको छ । समिक्षा अवधिमा कम्पनीको महाविपत्ती कोषमा ३ लाख ४९ हजार रुपैयाँ रहेको छ । अन्य इक्विटीमा ४९ हजार रहेको छ । समिक्षा अवधिमा कम्पनीले ४ करोड ५० लाख रुपैयाँ कुल बीमा शुल्क आर्जन गरेको छ ।
त्यस्तै कम्पनीले ३ करोड ६२ लाख रुपैयाँ पुनर्बीमा मार्फत खर्चिएको छ । यस अवधिमा ८७ लाख ६० हजार रुपैयाँ खुद बीमा शुल्क आर्जन गरेको छ । अभिकर्ता कमिशन मार्फत १ लाख ७० हजार रुपैयाँ खर्चिएको छ ।
