काठमाडौं । ट्रष्ट माइक्रो इन्स्योरेन्सले आर्थिक वर्ष २०८० /८१ को चौथो त्रैमासको वित्तीय विवरण प्रकाशन गरेको छ ।
५२ करोड ५० लाख शेयर पूँजी भएको कम्पनीले गत आर्थिक वर्षको चौथो त्रैमाससम्ममा १ करोड ९ लाख ५१ हजार रुपैयाँ नाफा आर्जन गरेको छ । गत आर्थिक वर्षको अन्त्यसम्ममा कम्पनीको स्पेसियल रिजर्भ शिर्षकमा ६८ लाख ५६ हजार रुपैयाँ रहेको छ । यस अवधिमा कम्पनीको रिटेण्ड अर्निङ्ग ८९ लाख ८५ हजार रुपैयाँ रहेको छ ।
समिक्षा अवधिमा कम्पनीको महाविपत्ती कोषमा ६ लाख ८५ हजार रुपैयाँ रहेको छ । अन्य इक्विटीमा १ लाख ३७ हजार रहेको छ । समिक्षा अवधिमा कम्पनीले १ करोड ६३ लाख रुपैयाँ कुल बीमा शुल्क आर्जन गरेको छ ।
त्यस्तै कम्पनीले १ करोड २० लाख रुपैयाँ पुनर्बीमा मार्फत खर्चिएको छ । यस अवधिमा ४३ लाख ११ हजार रुपैयाँ खुद बीमा शुल्क आर्जन गरेको छ । अभिकर्ता कमिशन मार्फत ८१ हजार रुपैयाँ खर्चिएको छ ।
