काठमाडौं । चालु आर्थिक वर्ष ८०/८१को जेठ महिनामा अर्थात् १ महिनामा नेपालमा संचालित १४ निर्जीवन बीमा कम्पनीहरुले ३ अर्ब ४५ करोड कुल बीमा शुल्क आर्जन गरेका छन् । १४ कम्पनीमध्ये जेठ महिनामा सिद्धार्थ प्रिमियर इन्स्योरेन्स लिमिटेडले सर्वाधिक बीमा शुल्क आर्जन गरेको छ । कम्पनीले ४८ करोड १३ लाख कुल बीमा शुल्क आर्जन गरेको छ । १४ जीवन बीमा कम्पनीमा कम्पनीको बजार हिस्सा १३.९३ प्रतिशत रहेको छ ।
त्यस्तै दोश्रोमा सगरमाथा लुम्बिनी इन्स्योरेन्स कम्पनी लिमिटेडले कुल ४० करोड ८२ लाख बीमा शुल्क आर्जन गरेको छ । कम्पनीको बजार हिस्सा ११.८२ प्रतिशत रहेको छ ।
त्यस्तै तेश्रोमा शिखर इन्स्योरेन्स कम्पनी लिमिटेडले ३५ करोड ५५ लाख कुल बीमा शुल्क आर्जन गरेको छ । कम्पनीको बजार हिस्सा १०.२९ प्रतिशत रहेको छ ।
१४ कम्पनीमध्ये सबै भन्दा कम नेशनल इन्स्योरेन्सले जेठ महिनामा ७ करोड ५६ लाख बीमा शुल्क आर्जन गरेको छ । कम्पनीको बजार हिस्सा २.१९ प्रतिशत रहेको छ ।
