काठमाडौं । गार्डियन माइक्रो लाइफ इन्स्योरेन्सले चालु आर्थिक वर्षको तेस्रो त्रैमास (साउन–चैत)सम्मको अपरिष्कृत वित्तीय विवरण सार्वजनिक गरेको छ।
समीक्षा अवधिसम्म कम्पनीले ७ लाख १ हजार रुपैयाँ नाफा आर्जन गरेको छ। तेस्रो त्रैमासमा मात्रै यो कम्पनीले ३ लाख ९८ हजार रुपैयाँ कमाएको छ।
तेस्रो त्रैमाससम्म कम्पनीले २ करोड ४ लाख ८१ हजार रुपैयाँ कुल बीमाशुल्क आर्जन गरेको छ। यो अवधिसम्म कम्पनीको खुद बीमाशुल्क आर्जन भने १ करोड ७८ लाख ६६ हजार रुपैयाँ रहेको छ।
चैतसम्म कम्पनीको दाबी भुक्तानी ४ लाख ७३ हजार रुपैयाँ रहेको छ। तेस्रो त्रैमासमा मात्रै कम्पनीले २३ हजार २०० रुपैयाँ दाबी भुक्तानी गरेको छ।
चुक्तापुँजी ५२ करोड ५० लाख रुपैयाँ रहेको कम्पनीको महाविपत्ति कोषमा २ लाख ६२ हजार रुपैयाँ र रिटेन्ड अर्निङमा २२ लाख ७ हजार रुपैयाँ रहेको छ। अघिल्लो वर्ष असार मसान्तसम्म कम्पनीको महाविपत्ति कोषमा १ लाख ९२ हजार रुपैयाँ र रिटेन्ड अर्निङमा १५ लाख ८३ हजार रुपैयाँ रहेको थियो।
कम्पनीको वार्षिकीकृत प्रतिशेयर आम्दानी (ईपीएस) ०.१८ रुपैयाँ रहेको छ।
