काठमाडौं । प्रोटेक्टिभ माइक्रो इन्स्योरेन्सले मृतकको परिवालाई मृत्यु दाबी भुक्तानी दिएको छ । कम्पनीले शुक्रबार कम्पनीले एक कार्यक्रमको आयोजना गरी मृत्यु दाबी वापतको भुक्तानी गरेको हो । उक्त मृत्यु दाबी वापत कम्पनीले ५ लाख २० हजार रुपैयाँ हस्तान्तण गरेको हो ।
कार्यक्रममा बीमित सवारीधनी सुरज बहादुर थापालाई कम्पनीका प्रमुख कार्यकारी अधिकृत नरेश कुमार रोकाले उक्त रकम बराबरको चेक हस्तान्तरण गरेका हुन् । कम्पनीका अनुसार थापाले चढेको मोटरसाइकलले पैदल यात्री ६० वर्षिय सुनिता कुमारी उपाध्याय पौडेललाई नयाँ बानेश्वरचोकमा ठक्कर दिंदा पैदलयात्री पौडेलको मृत्यु भएको थियो । सवारीधनी थापाले गत मंसिर महिनामा आफ्नो मोटरसाइकलको बीमा प्रोटेक्टिभ माइक्रो इन्स्योरेन्स मार्फत गरेका थिए ।
सवारीधनी थापाले कम्पनीले दाबी प्रकृयामा गरेको मार्गदर्शन तथा सहयोग सराहनीय रहेको बताउदै सरल दाबी प्रकृयाले बीमाको महत्व बुझाउन र बीमाप्रति जनमानसमा ब्याप्त गलत धारणालाई कम गर्न सहयोग पुग्ने विचार व्यक्त गरे ।
