काठमाडौं । लिबर्टी माइक्रो लाइफ इन्स्योरेन्स र काठमाडौको सुन्दरीजल स्थित सुन्दर बागमती बहुउद्देशीय सहकारीबीच सम्झौता भएको छ । सहकारीका सम्पूर्ण ऋणीहरुको बीमा गर्ने गरी लिबर्टी माइक्रो लाइफ र उक्त सहकारीबीच सम्झौता सम्पन्न भएको हो ।
पहिलो चरणमा २९ जना ऋणीहरुको सम्झौता गरि बीमा सेवा सुचारु गरेका छन् । आफ्नो ऋणीहरुलाई भइपरी आउने दुर्घटनामा राहत होस् तथा संस्थाको ऋणको सुरक्षा गर्ने उद्देश्यले लघुजीवन बीमा गराइएको कम्पनीले बताएको छ ।
उक्त सम्झौतापत्रमा लिबर्टी माइक्रो लाइफ इन्स्योरेन्सको तर्फबाट अमृत राज वैद्य तथा सुन्दर बागमति बहुउद्देशीय सहकारीको तर्फबाट प्रमुख कार्यकारी अधिकृत रेशम तामाङले सम्झौता गरेकम हुन् ।
निकै नै सस्तो, गुणस्तरिय, न्यून आय भएका वर्गलाई लक्षित तथा अनलाईनबाटै सेवा लिन पाउने भएकाले यो सेवा लिनलाई अन्य सहकारीहरुलाई यसको बारेमा जानकारी गराउने छु, प्रमुख कार्यकारी अधिकृत तामाङले भने ।
अन्य सहकारी तथा वडाहरूमा समेत न्यून आय भएका ब्यक्तिहरूका लागि बीमा कार्यक्रम संचालन गर्दै लैजाने लिबर्टी माइक्रो लाईफको योजना रहेको छ । लगभग ६० प्रतिशत नेपालीहरु बिशेषत न्यून आय भएकाहरु, इन्स्योरेन्सको दायरामा नआएका र त्यहि लक्षित बर्गलाई समेट्न सम्पूर्ण स्थानीय सरकार तथा सहकारीरलघुवित्तहरुलाई साथ तथा सहयोगको लागी लिबर्टी माईक्रो लाइफको तर्फबाट निबेदन पनि गरिएको छ ।
