काठमाडौं । नेपाल इन्स्योरेन्स प्रोफेसनल्स सोसाइटी (निप्स) कोशी प्रदेशले होली मिलन कार्यक्रम सम्पन्न गरेको छ । कार्यक्रम निप्सका अध्यक्ष खड्ग बहादुर श्रेष्ठको अध्यक्षतामा सम्पन्न भएको हो । उक्त कार्यक्रम नेपाल बीमा प्रधिकरणका कोशी प्रदेशका प्रमुख बिनोद पोखरेलको प्रमुख आतिथ्यतामा सम्पन्न भएको हो । कार्यक्रम संयोजक दिपक राज तिवारीले कार्यक्रमको बारेमा प्रकाश पारेका थिए ।
कार्यक्रममा निप्सका अध्यक्ष खड्ग बहादुर श्रेष्ठले होलीको पौराणकिता तथा होलीको महत्वका बारेमा प्रकाश परेका थिए । साथै, उनले होलीको नाममा विकृत फैलाउने खालका क्रियाकलाप नगरी सभ्य एवम् सुरक्षित तवरले होली पर्व मनाउन आग्रह समेत गरेका छन् ।
प्रमुख अतिथी प्रधिकरणका कोशी प्रदेशका प्रमुख बिनोद पोखरेलले निप्सले सम्पूर्ण बीमाकर्मीहरुलाई एउटै मालामा समाहित गरी आगामी दिनमा बीमाको सचेतना गाउँ गाउँसम्म पुर्याइ सबैमा बीमा सचेतना दिन शुभकामना व्यक्त गरे ।
उक्त कार्यक्रम निप्सका सचिब प्रकाश पोखरेलले संचालन गरेका थिए ।
