काठमाडौं । लिबर्टी माइक्रो लाइफ इन्स्योरेन्स र बर्दिबास नगरपालिकाबीच सम्झौता भएको छ । उक्त नगरपालिका र यस लघु बीमा कम्पनीबीच गरिब , बिपन्नहरूका लागि बीमा गराउने सम्झौता सम्पन्न भएको हो । यो ऐतिहासिक सम्झौता मार्फत शुरूवातमा बर्दिबास वडा नं १४ का न्यून आय भएका ब्यक्तिहरूले बीमा सेवा प्राप्त गर्ने छन् ।
यस सम्झौतासँगै , नगरपालिकाले अरू वडाका न्यून आय भएका ब्यक्तिहरूका लागि बीमा कार्यक्रम संचालन गर्दै जाने योजना रहेको जनाइएको छ ।
