काठमाडौं । कैलालीको चिसापानीस्थित कर्णाली पुलमा गुडिरहेको ट्रकमाथि भीषण आगलागी भएको छ । पश्चिमतर्फ आइरहेको एक ट्रकमा आगलागी भएको प्रहरीले जनाएको छ । ट्रकका कारण पुलको सुरक्षाका लागि जडान गरिएको फलामको बाक्लो तारहरुमा समेत आगो सल्किएको छ।
जिल्ला प्रहरी कार्यालय कैलालीका अनुसार ना ५ ख ५२९७ नम्बरको मालबाहक ट्रक वीरगंजबाट धनगढीतर्फ जाँदै गर्दा एक्कासी आगो सल्किएको हो।
आगलागीसँगै चिसापानी पुलबाट सवारी तथा मानिसको आवागमन रोकिएको छ । जिल्ला प्रहरी कार्यालय कैलालीका प्रवक्ता प्रहरी नायब उपरिक्षक चन्दका अनुसार लाइटर बोकेको ट्रकमा आगलागी भएको हो । प्रहरी र स्थानीय बासिन्दाले आगो नियन्त्रणमा लिने प्रयास गरिरहेका छन् ।
