काठमाडौं । नेपाल माइक्रो इन्स्योरेन्सले प्रथम वार्षिक साधारणसभा आह्वान गरेको छ।
कम्पनी सञ्चालक समितिको माघ २६ गते बसेको बेठकले वार्षिक साधारणसभा फागुन २१ गते आयोजना गर्ने निर्णय गरेको हो। सभा चितवनको भरतपुरस्थित महर्जन कम्प्लेक्समा रहेको कम्पनीको प्रधान कार्यालयमा बिहान ११ बजेबाट सुरु हुनेछ।
सभाले कम्पनीको चुक्तापुँजी ७५ करोड रुपैयाँबाट ३० प्रतिशत साधारण शेयर (आइपीओ) सर्वसाधारणलाई जारी गर्न शेयरधनीहरुसँग स्वीकृति लिने र आवश्यक कार्यका लागि सञ्चालक समितिले अख्तियारी लिने विशेष प्रस्ताव पारित गर्नेछ।
सभाले आर्थिक वर्ष २०७९/८० को वार्षिक तथा लेखापरीक्षकको प्रतिवेदन पारित गर्नेछ। आर्थिक वर्ष २०८०/८१ का लागि सञ्चालक समितिको सिफारिसबमोजिम लेखापरीक्षकको नियुक्ति गर्ने तथा निजको पारिश्रमिक तोक्ने प्रस्ताव पनि सभाले स्वीकृत गर्नेछ।
कम्पनीको सञ्चालक समितिको सिफारिसबमोजिम स्वतन्त्र सञ्चालकको नियुक्ति गर्ने प्रस्ताव पनि सभाले पारित गर्नेछ। गठन भएको सञ्चालक समितिलाई सभाले अनुमोदन गर्नेछ।
