काठमाडौं । नेपाल बीमा प्राधिकरणले मोटर बीमासम्बन्धी निर्देशन, २०८० मा समसामयिक परिमार्जन गर्ने तयारी गरेको छ। प्राधिकरणले एक सूचना जारी गर्दै मोटर बीमासम्बन्धी निर्देशनमा समसामयिक परिमार्जन गर्न लागिएको जानकारी गराएको छ। यसका लागि आवश्यक राय, सल्लाह तथा सुझाव लिखित रुपमा पेस गर्न प्राधिकरणले सरोकारवालाहरुसँग आग्रह गरेको छ।
सरोकारवालाहरुले आउँदो फागुन १ गतेसम्म प्राधिकरणसमक्ष राय–सुझाव पेस गर्न सक्नेछन्।
