काठमाडौं । निर्जीवन बीमक नेको इन्स्योरेन्सले कर्णाली प्रदेशको जाजरकोट र रुकुम पश्चिमका भूकम्प पीडित परिवारलाई राहत सामाग्री वितरण गरेको छ। इन्स्योरेन्सले कम्बल र अत्यावश्यक औषधि वितरण गरेको हो।
इन्स्योरेन्सका अनुसार सोमबार रुकुम पश्चिमको आठबिसकोट नगरपालिकाको कार्यालय परिसरमा स्थानीय प्रभावित परिवारलाई राहत सामाग्री हस्तान्तरण गरिएको छ । यसैगरी जाजरकोटमा पनि भूकम्प पीडित परिवारलाई कम्पनीले संस्थागत सामाजिक उत्तरदायीत्व अन्तर्गत राहत सामाग्री वितरण गरेको छ।
गत शुक्रबार राति ११ः४० बजे ६.४ रेक्टर स्केल क्षमताको शक्तिशाली भूकम्प जाँदा जाजरकोट र रुकुम पश्चिम जिल्लामा धनजनको ठूलो क्षति हुन पुगेको छ।
