काठमाडौं । हालै संचालमा आएका नयाँ दुई लघु निर्जीवन बीमाले शुरुवाती महिनामा कुल ११ हजार प्रथम बीमा शुल्क आर्जन गर्न सफल भएका छन् । नेपाल बीमा प्राधिकरणले उपलब्ध गराएको तथ्याङक अनुसार नेपाल माइक्रो इन्स्योरेन्स कम्पनीले १ हजार बीमा शुल्क आर्जन गरेको छ । प्राधिकरणले गत आर्थिक वर्ष २०७९/८० को असार मसान्तसम्म प्रकाशन गरेको वित्तीय विवरण अनुसार यस कम्पनीले १ वटा बीमा लेख विक्री गरी १ हजार रुपैयाँ प्रथम बीमा शुल्क आर्जन गरेको छ ।
यस कम्पनीले असार २८ गते भरतपुर केन्द्रिय कार्यालय विस्तार गरी व्यवसाय संचालन गर्दै आइरहेको छ ।
यस्तै, प्रोटेक्टिभ माइक्रो इन्स्योरेन्स कम्पनीले १० हजार रुपैयाँ प्रथम बीमा शुल्क आर्जन गरको छ । यस कम्पनीले २ वटा बीमा पोलिसी विक्री गरी उक्त बीमा शुल्क आर्जन गर्न सफल भएको हो । कम्पनीले गत साउन ११ गतेदेखि सुदुरश्चिम प्रदेशको धनगढीमा केन्द्रीय कार्यालय विस्तार गरी व्यवसाय गर्दै आइरहेको छ ।
