काठमाडौं । आज नेपाल स्टक एक्सचेञ्जमा दुई इन्स्योरेन्स कम्पनीबो बोनश शेयर सूचिकृत भएको छ । नेप्सेमा सगरमाथा इन्स्योरेन्सको १६ लाख ५३ हजार ६९९ दशमलव ९६ कित्ता र लुम्बिनी जनरल इन्स्योरेन्सको ९ लाख १७ हजार ६४४ दशमलव ५० कित्ता बोनश शेयर सूचिकृत भएको हो ।
नेप्सेमा सगरमाथा इन्स्योरेन्स कम्पनीको फागुन ११ गते सम्पन्न वार्षिक साधारण सभाबाट पारित १२ दशमलव ४० प्रतिशत बोनश शेयर सूचिकृत भएको हो भने लुम्बिनी जनरल इन्स्योरेन्स कम्पनीको पनि फागुन ११ गते सम्पन्न वार्षिक साधारण सभाबाट पारित ६ दशमलव ९९ प्रतिशत बोनश शेयर सूचिकृत भएको हो ।
यी दुबै कम्पनीको बोनश शेयर सम्बन्धीत शेयरधनीहरुको हितग्राही खातामा आएपछि कारोबार गर्न सक्नेछन् ।
