काठमाडौं । हिमालयन एभरेष्ट इन्स्योरेन्स लिमिटेडले आज २९औं वार्षिक साधारण सभा गर्ने भएको छ । सभा बानेश्वर ब्याक्वेट थापागाउँ काठमाडौंमा बिहानको ११ बजे शुरु गर्ने कम्पनीले जनाएको छ । कम्पनीको फागुन २३ गते बसेको संचालक समितिको बैठकले उक्त सभाको मिति तय गरेको हो ।
सभाले गत आर्थिक वर्षको मुनाफाबाट आफ्ना शेयरधनीहरुलाई प्रस्ताव गरेको हाल कायम चुक्ता पुँजीको २ दशमलव ७५ प्रतिशत बोनश शेयर र कर प्रयोजनका लागि ० दशमलव १४ प्रतिशत नगद लाभांश पारित गर्नेछ ।
सभाले गत आर्थिक वर्ष २०७८/७९ को वार्षिक प्रतिवेदन, सोही आर्थिक वर्षको अन्त्यसम्मको वासलात, नाफा नोक्सान हिसाब तथा नगद प्रवाह लगायतका वित्तीय विवरणमाथि छलफल गरी पारित गर्नेछ ।
साथै सभामा बोनश शेयर जारी गर्दा भिन्न अंकमा आउने शेयरलाई संस्थापक शेयर र सर्वसाधारण शेयरको अनुपात कायमै राखि नजिकको पुरा अंक कायम गर्ने प्रस्ताव पेश गर्नेछ । साथै बोनश शेयर जारी गर्दा तथा जारी तथा चुक्तापुाजी बृद्धि हुने भएबाट सोही अनुरुप प्रबन्धपत्र र नियमावलीमा संशोधन गर्ने प्रस्ताव पारित गर्ने जनाएको छ ।
सभाले चालु आर्थिक वर्ष २०७०/८० को लागि लेखापरीक्षक नियुक्त गर्ने र निजको पारिश्रमिक निर्धारण गर्ने, संस्थापक शेयरधनीहरुबाट प्रतिनिधित्व गर्ने ३ जना र सर्वसाधारण समूहतर्फबाट प्रतिनिधित्व गर्ने ३ जना शेयरधनीहरु निर्वाचित गर्ने सभाको एजेण्डा रहेको छ ।
कम्पनीले साधारण सभा प्रयोजनका लागि कम्पनीले चैत ३ गते एकदिनका लागि बुक क्लोज गरेको थियो । यसको आधारमा चैत २ गतेसम्म कायम शेयरधनीहरुले मात्रै सभामा उपस्थित हुन र प्रस्तावित लाभांश पाउनेछन् ।
