काठमाण्डौं । एशियन लाईफ इन्स्योरेन्स कम्पनीले चार तारे स्तरको होटलमा शेयर लगानी गरेर पर्यटन व्यवसायमा समेत प्रवेश गरेको छ । रवि भवनस्थित बहुतल्ले होटल क्राउन इम्पेरियलको संस्थापक शेयरको करिब ४० प्रतिशत हिस्सा एशियन लाईफले खरिद गरेकोे हो ।
अर्किड होल्डिङ्स प्रा.लि.को स्वामित्वमा दर्ता रहेको १४ तल्ले होटल भवनमा १३१ वटा भन्दा बढी सुविधा सम्पन्न कोठाहरु रहेका छन् । यो होटल कूल ९ हजार १ सय ३६ वर्ग मिटर क्षेत्रफलमा फैलिएको छ ।
एशियन लाईफ इन्स्याेरेन्सले यसअघि लगानी व्यवस्थापन कम्पनी एशियन क्यापिटल लिमिटेडकाे पनि बहुमत शेयर किनेकाे थियाे । कम्पनीले प्रकाशन गरेकाे चालू आवकाे दाेश्राे त्रैमासिक वित्तीय विवरण अनुसार जलविद्युत आयाेजनाहरुमा पनि लगानी गरेकाे छ।
एशियन लाइफको नाफा ३२ प्रतिशतले बढ्यो, जीवन बीमा कोषमा ३४ अर्ब ८० करोड
