काठमाण्डौं । मर्जरको सम्झौता गरेका दुई निर्जीवन बीमा कम्पनी, सानिमा जनरल इन्स्योरेन्स र जनरल इन्सयोरेन्स कम्पनीले केयर रेटिङबाट समान रेटिङ पाएका छन् । केयर रेटिङ नेपालले जारी गरेको प्रेस विज्ञप्तीमा दुबै निर्जीवन बीमकलाई बदलिंदो परिस्थितिमा साख मूल्यांकनसहित केयर एनपि डब्बल बि९प्लस० रेटिङ दिइएको छ ।
बीमा समितिले तोकेको दुई अर्ब पचास करोड रुपैयाँ चुक्ता पूँजी पु¥याउनको लागी आपसमा गाभ्ने गाभिने सम्झौता गरेका यी दुबै बीमा कम्पनी मर्जरको प्रकृयामा रहेकाले रेटिङ एजेन्सीले बदलिंदो परिस्थितिमा साख मूल्यांकनको वर्गिकरणमा राखेको हो ।
मर्जर प्रकृयाको टुंगो लागेर सफलतापूर्वक एकीकृत कारोबार संचालनमा नगर्दासम्म यी दुबै कम्पनीको अवस्थालाई अहिले नै पूर्णरुपमा आंकलन गर्न कठिन हुने भएको हुँदा केयर रेटिङ नेपालले यस्तो उल्लेख गरेको हो ।
