काठमाडौं । मर्जरको विशेष प्रस्ताव पारित गर्न हिमालयन जनरल इन्स्योरेन्स कम्पनी र एभरेष्ट इन्स्योरेन्स कम्पनीले आज असार २ गते विशेष साधारण सभा गर्दैछन् ।
हिमालयन जनरल इन्स्योरेन्स कम्पनीले विशेष साधारण सभा बिहान ११ बजे एयरपोर्ट होटल, काठमाडौंमा गर्ने जनाएको छ भने एभरेष्ट इन्स्योरेन्स कम्पनीले विषेश साधारण सभा बिहान ११ बजे अग्रवाल भवन, कमलपोखरी, काठमाडौंमा हुने जनाएको छ ।
दुवै कम्पनीले एकापसमा गाभ्ने गाभिने विशेष प्रस्ताव सभामार्फत अनुमोदन गर्नेछन् । यी दुई कम्पनी १ः शून्य दशमलव ८५ अनुपातमा गाभिदै छन् । एभरेष्ट इन्स्योरेन्स कम्पनीको १०० कित्ता हुने शेयरधनीले मर्जरपछि हिमालयन जनरल इन्स्योरेन्सको ८५ कित्ता शेयर प्राप्त गर्नेछन् ।
विशेष साधारण सभाले दुवै कम्पनीको गाभ्ने गभिने सम्बन्धि अन्तिम सम्झौतापत्र, सहमतिपत्र तथा अन्य सम्झौताहरु अनुमोदन गर्नेछ । सभाले मर्जरपछि कम्पनीको नाम हिमालयन एभरेष्ट इन्स्योरेन्स कम्पनी लिमिटेड रहने लगायतका प्रस्ताव पारित गर्नेछन् ।
