काठमाडौं । शिखर इन्स्योरेन्स कम्पनीको हकप्रद शेयर शेयरधनीको हितग्राही खातामा जम्मा भएको छ । कम्पनीले २०७८ चैत १ गतेदेखि चैत २१ गतेसम्म हकप्रद निष्काशन गरेको ३० प्रतिशत हकप्रद शेयर शेयरधनीको हितग्राही खातामा पठाएको हो ।
२०७८ माघ २० गते अभौतिकीकरण गराएका शेयरधनीको हकमा उक्त हकप्रद शेयर हितग्राही खातामा जम्मा भएको जनाएको छ । माघ २० गतेपछि शेयर अभौतिकरण गराएका शेयरधनीको हकमा पनि क्रमशः सम्बन्धित शेयरधनीको हितग्राही खातामा जम्मा हुने जनाएको छ ।
हालसम्म पनि शेयर अभौतिकीकरण नगराएका शेयरधनीले शेयर अभौतिकीकरण गराई आफ्नो हकप्रद शेयर हितग्राही खातामा नै प्राप्त गर्न कम्पनीले आग्रह गरेको छ ।
कम्पनीको शेयर रजिष्ट्रार एनआईबिएल एस क्यापिटल लिमिटेड रहेको छ ।
