काठमाडौं । राष्ट्रिया बीमा कम्पनीमा कार्यरत कर्मचारीहरुको हकहितलाई सुनिश्चित गर्न गठन गरिएको कर्मचारी संघको चौथो केन्द्रिय अधिवेशन भव्यताका साथ सम्पन्न भएको छ । होटल एल्लो प्यागोडामा आयोजित उक्त अधिवेशन सुजिता शाक्यको प्रमुख आतिथ्यतामा सम्पन्न भएको हो ।
जेठ २८ गते सम्पन्न चौथो अधिवेशनबाट डम्बर अधिकारीको अध्यक्षतामा पाँच पदाधिकारी सहित २३ सदस्यीय कमिटि चयन गरिएको उपाध्यक्ष रविन्द्र थापाले बताए । अधिकारीको अध्यक्षतामा सम्पन्न अधिवेशनबाट उपाध्यक्षमा रविन्द्र थापा, महासचिवमा गोमा अर्याल, सचिवमा अर्जुन पौडेल र कोषाध्यक्षमा रविन्द्र कुमार कार्काी चयन भएका छन् । साथै १५ केन्द्रिय सदस्य चयन भइसकेका छन् भने तीन जना सदस्य थप्न बाँकी रहेको उपाध्यक्ष थापाको भनाई छ ।
चौथो अधिवेशनबाट उपाध्यक्ष पदमा चुनिएका थापाले आउँदो दिनमा कर्मचारीहरुको पेशागत हकहितका लागि काम गर्ने बताए । आगामी दिनमा कर्मचारीहरुको पेशागत हकहित र संगठनको उन्नति प्रगतिका लागि व्यवस्थापन र अन्य सरोकारवाला निकायहरुसँग सहकार्य गर्दै अघि बढ्ने उनले बताए ।
अधिवेशनमा राष्ट्रिया बीमा कम्पनीमा कार्यरत कर्मचारीहरुको बाक्लो उपस्थिति रहेको थियो ।
