काठमाडौं । नेपाल इन्स्योरेन्स कम्पनीले आर्थिक वर्ष २०७७/७८ को मुनाफाबाट ११ प्रतिशत बोनस र बोनस शेयरमा लाग्ने कर प्रयोजनका लागि ०.५७ प्रतिशत नगद लाभांश घोषणा गरेको छ । कम्पनीको हिजो सोमबार साझ बसेको सञ्चालक समितिको बैठकले हाल कायम चुक्ता पूँजी एक अर्ब २४ करोड रुपैयाँको ११ प्रतिशत बोनस शेयर वितरण गर्ने निर्णय गरेको हो ।
कम्पनीले प्रस्ताव गरेको १३ करोड ६६ लाख रुपैयाँ बोनस शेयर वितरण पछि कम्पनीको चुक्ता पूँजी एक अर्ब ३७ करोड रुपैयाँ पुग्नेछ । प्रस्तावित लाभांश नियामक निकाय बीमा समितिबाट स्विकृत भए पछि साधारणसभामा पेश गर्न सकिनेछ । साधारणसभाले प्रस्तावित लाभांश पारित गरेपछि मात्रै शेयरधनीहरुले पाउने छन् ।
