काठमाडौं । यस साताको पहिलो कारोबार दिन आज नेपाली बजारमा सुन चाँदीको मूल्य बढेको छ । गत शुक्रबार तोलामा ९० हजार ९ सय रुपैयाँमा कारोबार भएको छापावाला सुनको मूल्य आज आइतबार ६ सय रुपैयाँले बढेर तोलामा ९१ हजार ५ सय रुपैयाँमा कारोबार भएको नेपाल सुनचाँदी व्यवसायी महासंघले जनाएको छ ।
आज तेजावी सुनको मूल्य तोलामा ९१ हजार रुपैयाँ कायम भएको छ । शुक्रबार तेजावी सुनको मूल्य तोलामा ९० हजार ४ सय रुपैयाँ कायम भएको थियो । चाँदीको मूल्य पनि बढेको छ । शुक्रबार तोलामा ११ सय ९५ रुपैयाँमा कारोबार भएको चाँदीको मूल्य आज ३५ रुपैयाँले बढेर तोलाको १ हजार २ सय ३० रुपैयाँमा कारोबार भएको छ ।
