काठमाडौं । आज पनि नेपाली बजारमा सुनको मूल्य घटेको छ । हिजो तोलामा ९१ हजार रुपैयाँमा कारोबार भएको छापावाला सुनको मूल्य आज बिहीबार २ सय रुपैयाँले घटेर तोलामा ९० हजार ८ सय रुपैयाँमा कारोबार भएको नेपाल सुनचाँदी व्यवसायी महासंघले जनाएको छ ।
त्यसैगरी, तेजावी सुनको मूल्य आज तोलामा ९० हजार ३ सय रुपैयाँमा कारोबार भएको छ । हिजो तेजावी सुनको मूल्य तोलामा ९० हजार ५ सय रुपैयाँ कायम भएको थियो ।
त्यस्तै, आज बिहीबार चाँदीको मूल्य भने बढेको छ । हिजो तोलामा ११ सय ९५ रुपैयाँमा कारोबार भएको चाँदीको मूल्य आज १० रुपैयाँले बढेर तोलामा१२ सय ५ रुपैयाँमा कारोबार भएको छ ।
