काठमाडौं । आइसिएफसी फाइनान्स लिमिटेडले आफ्ना शेयरधनीलाई पुरानो लाभांश लिन आग्रह गरेको छ । कम्पनीले विभिन्न वर्षको साधारण सभाहरुबाट पारित भएको विगत पाँच वर्षभन्दा पुरानो लाभांश रकम नलिएका शेयरधनीलाई लाभांश बुझिलिन आग्रह गरेको हो ।
कम्पनीले हालसम्म लाभांश नलिएका शेयरधनीले सूचना प्रकाशित भएको मितिले ३० दिन भित्र कम्पनीको प्रशासन विभागमा सम्पर्क गरी उक्त लाभांश बुझिलिन आग्रह गरेको छ ।
समयमा नलिएमा भुक्तानी गर्न बाँकी लाभांश रकम प्रचलित कानून बमोजिम लगानीकर्ता संरक्षण कोषमा जाने समेत कम्पनीले सुचनामा उल्लेख गरेको छ ।
