काठमाडौं । नेपालमा पछिल्लो २४ घण्टामा १ हजार ६०३ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ४ हजार ८७६ जनाको पीसीआर परीक्षण गरिएकोमा १ हजार ४२ जना र ३ हजार २५६ जनाको एन्टिजेन परीक्षण गरिएकोमा ५६१ जना गरी कुल १ हजार ६०३ जनामा कोरोना संक्रमण पुष्टि भएको हो ।
पछिल्लो २४ घण्टामा देशभर २ हजार ५५२ जना निको भएर घर फर्किएका छन् । यस अवधिमा २७ जनाको मृत्यु भएको छ । काठमाडौं जिल्लामा ३४२, ललितपुर जिल्लामा ८८ जना र भक्तपुर जिल्लामा ३१ जना संक्रमित भेटिएका छन्
